Agar aap aise hi kuch courses ki talaas me hain to aap sahi jagah aaye hain.
Is post ke jariye me aapko 5 aise important aur popular Computer courses ke bare me batauga jisse aap 12th pass karne ke baad ya graduation complete karne ke baad kisi bhi computer field me ek achhi khasi job kar sakte hain.
To agar aap Janna chahte hain ye konse Computer courses hain to is post ko dhyan se completely padhiye.
Top best Computer courses
To ye Computer courses konse hain ye batane se pahle me ek chhoti si baat aapke sath share karna chahuga so ye hai ki bahut se log in Computer courses ko sirf ye samajhkar karte hain ki bas hamare paas certificate aa jaye to hame kisi bhi Computer field me aasani se job mil jayegi
To yaha me aap logo ko bata du ki agar aap aisa soch rahe hain to aap galat soch rahe hain kyuki agar aap kisi bhi course ko karte ho to knowledge lene ke liye karo baki certificate krne ke liye.
Certificate to aapke paas hoga lekin agar aapke paas knowledge nhi hai to aise me koi company aapko job nhi degi. Isiliye jitna ho sake in courses se knowledge lene ki kosish karna naki certificate ke liye in courses ko karna.
To chahiye jante hain in top 5 Computer courses ke bare me.
1. Python
Sabse pahla Jo course hai iski demand market me sabse jyada hai jiska naam hai "Python"
Agar aapko computer me ya web application develope karne me ya programming language me interest hai to aapne Python ka naam jarur suna hoga
aur aage chalkar ye jo computer course hai bahut hi jyada popular hone wala hai aur iski market me demand itni jyada hai abhi bhi ki aap soch bhi nhi sakte
To basically is course se aap kar kya sakte ho to aap Python programming sikhne ke baad web application , desktop application ya fir website ko develop kar sakte hain.
Aur is language ki market me demand isiliye jyada hai kyuki ye language bahut hi easy hai yani easy to understand hai or yha par bahut lambe lambe code likhne ki jagah Python inko bahut short kar deta hai jisse bahut hi samay bachta hai
To agar aapko computer programming me ya coading me interest hai aur aap computer programming ya coading ki field me job karna chahte hain to mere khyal se Python is one of the best course aur aap ye course kar sakte hain.
2. Tally
Ye course bhi bahut hi important hai aur is course ka name hai "Tally"
aur ise wo sabhi log kar sakte hain jinhe accounting ke bare me thoda bahut bhi knowledge hai.
Aur aage jakar wo kahi esi jagah job karna chahte hain jaha unhe accounting ka kaam sambhalne ko diya jaye
Agar aap thoda sa bhi Computer ke bare me jante ho ya accounting field se ho to aapne Tally ka naam jarur suna hoga aur ye course India me bahut jyada popular hai aur India me iski demand kafi jyada hai
Me aapko bata du Tally ek most useful software hai Jo accounting ke liye use kiya jata hai. Is course ki duration 3 months hai or aap 3 mahine me ise aasani se kar sakte hain.
Is course ko karne ke baad aap aasani se kisi firm ya office me jaha accounting ka kaam hota hai waha par aasani se work kar sakte hain to ye ek bahut hi popular computer course hai jise aap 12th pass karne ke baad aasani se kar sakte hain.
3. Android Development Course
Isme aapko ye sikhaya jata hai ki kese aap android apps ko develop kar sakte hain.
Ye bahut hi important aur useful course hai aur me aapko bata du is field me paisa bahut hi jyada hai aur ise karne ke baad jaruri nahi hai ki aap kisi company me ya kisi ke under job karo aap apna khud ka android app banakar kafi achha paisa kama sakte hain.
Aur is course ko karne ke baad aap chahe ho freelancing work bhi kar sakte hain jaha par freelancing websites par log aapse kahege ki unhe apne liye ya apni company ke liye app banvana hai jisse liye wo aapko achha khasa paisa denge.
To agar aap aage chalkar apps devolope karna chahte hain ya koi aesi app banana chahte hain Jo pure internet ko change karde to ye course aapke liye best hai.
4. Digital Marketing
Ye Jo course hai iski demand aaj ke samay me bahut hi jyada hai jiska naam hai "Digital Marketing"
Aur iski badi badi companies ko bahut hi jyada jarurat hai aur aane wale samay me ye bahut jyada popular hone wala hai.
Is course me aapko ye sikhaya jata hai ki aapko internet me kis prakar se marketing karni hai uske liye kya kya techniques hain or kya kya strategies hain ya SEO kya hai marketing me aur social media marketing kya hai aur email management aadi ye sab sikhaya jata hai.
Aur iske alawa product ki marketing kaise karni hai or product ko kaise bechna hai aur viral karna hai Digital marketing course me aapko ye sab sikhaya jata hai.
To ye course bhi aap kar sakte hain aur iski market me demand bhi kafi jyada hai.
5. Web Development Course
Ye course bhi bahut hi important hai aur iski bhi demand kafi adhik hai jiska naam hai "Web Development Course"
Is course me aapko tarah tarah ki programming languages sikhayi jati hain jaise "HTML" , "PHP" , "JavaScript" website kaise banana hai aur website ko kaise design karna hai ye Jo sari chize hain web development course me aapko sikhayi jati hain.
To agar aapko ek web developer banna hai ya web developing me carrier banana hai to web development course aapke liye kafi achha option hai aur iski madad se aap bahut achha khasa paisa bhi kama sakte hain.
To ab aap ye courses kar lete hain to aapke man me ek sawal jarur aata hai ki bhaiya job kaha se le to iska bhi mere paas ek bahut hi easy solution hai.
Ek website hai jiska naam hai monsterindia.com is par jakar aap jis bhi field ke liye apply karna chahte hain wo daal dijiye aur jis bhi location par aap job karna chahte hain wo location daal dijiye aur waha par apna experience daal dijiye aur simple search par click kar dijiye.
Ab waha par jitne bhi isse related jobs available honge aapke samne aa jayenge
or aap badi aasani se in jobs ke liye apply kar sakte hain.
To dosto ye the top 5 Computer courses Jo aap 12th paas karne ke baad ya graduation karne ke baad kar sakte hain aur Computer ki field me job paa sakte hain.
I hope aapko ye post jarur pasand aayi hogi agar aapko ye post pasand aayi hai to ise apne dosto ke sath social media par share jarur kare aur apne friends ko bhi hamare blog ke bare me bataye.
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.